Skisenter

Myrkdalen har dei siste åra vore på lista over dei mest snøsikre skisentra i Europa. ”Når det regnar i Bergen, snør det i Myrkdalen”, seier folk her oppe. Pudderalarmen går titt og ofte – det er berre å nyta – på ski eller brett.

Skisenteret har åtte heisar og 20 løyper, skiskule og ei rekke aktivitetar for liten og stor. I tilknytning til skisenteret finn ein også preparerte langrennsløyper og eit fantastisk område for fjell- og toppturar.

I Myrkdalen har me to stolheisar, tre t-krokheisar, to tallerkentrekk og sjølvsagt barnebakkar med saktegåande rulleband for dei aller minste. Det er også terrengpark med bigjumps og rails i ulike variantar.

Me legg til rette for skientusiastar – på alle nivå!